Juz' 1 Hal 09 Jajaran 09

Juz' 1 Hal 09 Jajaran 09

"Tatkala dibukakeun ~ ka anjeun ~ kana hiji bagian ~ tina ma’ripat ~ maka ulah ngalirik anjeun ~ sarta eta pamadeupan ~ kusabab yen saeutikna amal anjeun ~ maka ari saeunyana Gusti Alloh ~ eta heunteu ngabukakeun kana lawang tina ma’ripat ~ ka anjeun ~ kajaba ari ieu Gusti Alloh ~ eta ngamaksud kana yen ngeunalkeun diri ~ ka anjeun ~ Naha heunteu apal anjeun (teugeusna pek pikir ku anjeun) ~ kana yen saeunyana ma’ripat ~ ari Gusti Alloh ~ eta anu ngadatangkeunnana ~ ka anjeun ~ Sareung ari pirang-pirang amal ~ eta ari anjeun ~ anu nyodorkeun kana itu amal ~ dihadiahkeun ka Gusti Alloh ~ Sareung mana alus martabatna ~ peurkara ~ anu dihadiahkeun ku anjeun ka Gusti Alloh ~ dibandingkeun kana peurkara ~ anu dihadiahkeun ku Gusti Alloh ka anjeun. (teugeusna alus mana peurkara anu di pake jalan ngadeukeutkeun ka Gusti Alloh tinimbang peurkara anu dipasihkeun ku Gusti Alloh)".

Hikmah.

Dina ieu hikmah Mushonnif masih keneh meuretelakeun kana kateurangan anu patali sareung ma’ripat, teugeusna kudu ngajauhan tina tingkah anu ngaruksak ma’ripat, nyaeta dimana-mana Gusti Alloh ngabukakeun ka anjeun kana hiji bagian tina ma’ripat sapeurtos anjeun ma’ripat ka Gusti Alloh ku peurjalanan rasa yen Gusti Alloh hadir anu ningalikeun kana tingkah urang, atawa urang ma’ripat yen diri keur digeurakkeun ku Gusti Alloh, nyaeta anu sok diseubut Tajalli Af’al. Maka anjeun ulah noleh kana saeutikna amal, lantaran anu dimaksud kalawan lobana amal nyaeta rek ngadeukeutkeun diri ka Gusti Alloh, seudeungkeun lamun urang dibukakeun ku Gusti Alloh, eta beurarti langsung dideukeutkeun ku Gusti Alloh, maka dimana-mana Gusti Alloh ngabukakeun kana hiji bagian tina ma’ripat eta kudu tambah-tambah syukur, teugeusna meumpeurtahankeun ma’ripat sareung tambah-tambah beur-adab, lantaran saeutikna amal bari ma’ripat eta geude ganjarannana tinimbang loba amal bari heunteu ma’ripat. Sareung teurkadang bukti ieu saeutikna amal ku sabab datangna geuring, maka dimana-mana datang ma’ripat dina keur waktu geuring, sacara yen boga pamadeugan, yen saeunyana datangna geuring eta leuwih alus tinimbang sehat, sabab dina waktu geuring eta keur dipikacinta ku Gusti Alloh, naha ku dileubur dosa atanapi naekkeun ma’ripat. Sareung ieu geuring teh pilihan Gusti Alloh sareung pangeursana, maka keur dina ma’ripat kitu, eta ulah luak-lieuk kana sa-eutikna amal, sabab heunteu pati-pati Gusti Alloh ngadatangkeun ma’ripat kajaba Gusti Alloh bakal ningalikeun kana kurniana Gusti Alloh. Sareung bade ningalikeun Gusti Alloh ka anjeun, sareung bade ngabukakeun ka anjeun ku sipatNa sareung namiNa. Maka eta leuwih geude tinimbang lobana anu dhohir. Sareung deui Gusti Alloh ngadawuh dina Hadits Qudsi, dimana-mana ngadatangkeun balahi Kawula ka Abdi, tuluy eta si Abdi heunteu ngalaporkeun, teugeusna heunteu ngabejakeun kana balahi ka hiji jalma anu ngalongok, maka Kawula bakal ngudar kana tatali balahina eta Abdi, sareung bakal ngagantian Kawula kana dagingna anu leuwih alus, sareung kana geutihna anu leuwih alus, tuluy tiasa beur-amal sakumaha biasa. Tah dina ieu hadits, nuduhkeun kana ma’ripatna jalma anu pasrah sumeurah kana papastina ti Gusti Alloh bari sobar sareung syukur, maka dibukakeun ku Gusti Alloh tina nete-seumplek nincak-seumplakna. Jadi atuh dimana-mana urang kadatangan nete-semplek nincak-seumplak, maka kudu disambut ku sobar sarta pasrah ka Gusti Alloh, maka sakaligus bakal diudar tatalina. Maka sabalikna jalma anu ngarasula tur ngabejakeun balahi bari ngaluarkeun bahasa anu heunteu sopan ka Gusti Alloh, maka eta tatali balahina moal diudar ku Gusti Alloh, maka bakal tuluy-tuluyan nete-seumplek nincak-seumplak.